فیصل آباد: علامہ اقبال کالونی، سمندری روڈ پر چھت گرنے سے دو بچے جاں بحق، ایک بچی اور میاں بیوی زخمی ۔ 17 سالہ محمد بن خالد اور 11 سالہ محمد مصیب حسین سکنہ علامہ اقبال کالونی، جی بلاک، ہاؤس نمبر 52 موقع پر جاں بحق۔ جبکہ 50 سالہ خالد، 45 سالہ فرحانہ اور 12 سالہ شانزہ کو ریسکیو ٹیم نے ابتدائی طبی امداد فراہم کی۔ بارش کی وجہ سے دو منزلہ گھر کی اوپر والی منزل کے ایک کمرہ کی ٹی۔آر، گاڈر کی چھت گر گئی۔ ذرائع کے مطابق چھت کے نیچے تین بچے اور میاں بیوی سوئے ہوئے تھے جن کو ریسکیو ٹیم نے اپنی پیشہ ورانہ مہارت سے باہر نکالا۔ ڈیڈ باڈیز کو ریسکیو ٹیموں نے ملبے سے نکال کر ڈی ایچ کیو ہسپتال فیصل آباد شفٹ کردیا.
About the Author
