فیڈرل پبلک سروس کمیشن (FPSC) نے سی ایس ایس امتحانات 2026 کے مکمل شیڈول کا اعلان کر دیا۔
احوالِ شاہکوٹ ڈیسک سے نیشنل میڈیا کے مطابق ایف پی ایس سی نے سی ایس ایس 2026 شیڈول کا ایڈوانس پبلک نوٹس جاری کر دیا، سی ایس ایس کے امتحانات دو مراحل میں منعقد ہوں گے، جن میں پہلے مرحلے میں ایم سی کیو پر مبنی ابتدائی ٹیسٹ اور دوسرے مرحلے میں تحریری امتحان شامل ہوگا۔
ایف پی ایس سی کے مطابق ایم پی ٹی کیلئے آن لائن درخواستوں کا پبلک نوٹس 10 اگست 2025 کو جاری کیا جائے گا، ایم پی ٹی کیلئے درخواستیں 11 سے 25 اگست تک وصول کی جائیں گی، تحریری امتحان کیلئے درخواستیں 15 سے 30 دسمبر 2025 تک جمع ہوں گی، تحریری امتحان کا انعقاد 4 فروری 2026 کو ہوگا۔
ایف پی ایس سی کی جانب سے وضاحت کی گئی ہے کہ یہ شیڈول ابتدائی اطلاع کے طور پر جاری کیا گیا ہے، ادارہ ضرورت پڑنے پر اس میں تبدیلی کا حق محفوظ رکھتا ہے، امیدواروں کو مشورہ دیا گیا ہے کہ وہ ایف پی ایس سی کی سرکاری ویب سائٹ پر اپ ڈیٹس پر نظر رکھیں تاکہ کسی بھی تبدیلی سے بروقت آگاہ رہ سکیں۔
سی ایس ایس امتحان کے خواہشمند امیدواروں کیلئے یہ ایک اہم موقع ہے، اب انہیں اپنی تیاری کا دائرہ تیز کر دینا چاہیے۔
About the Author
