پنجاب میں پاکستان کی پہلی کاؤنٹر نارکوٹکس فورس کا قیام عمل میں آ گیا۔ احوالِ شاہکوٹ ڈیسک سے نیشنل میڈیا کے مطابق فورس کے قیام کے حوالے سے پولیس ٹریننگ کالج چوہنگ میں کمیشننگ تقریب ہوئی جس میں وزیر اعلیٰ پنجاب مریم نواز نے انسداد منشیات فورس کےاہلکار کو فلیگ سونپا اور پریڈ کا معائنہ بھی کیا، انہوں نے انسداد منشیات فورس کو خراج تحسین پیش کرتے ہوئے کہا کہ قلیل مدت میں مضبوط انسداد منشیات فورس کا قیام لائق تحسین ہے۔وزیر اعلیٰ نے منشیات فروشوں کیخلاف زیروٹالرنس پالیسی کا اعلان کرتے ہوئے کہا کہ نسلوں کے محفوظ مستقبل کیلئے منشیات کا خاتمہ ضروری ہے، منشیات فروشوں کیلئے پنجاب میں کوئی جگہ نہیں ، پنجاب سے منشیات کا جلد خاتمہ ہو گا۔
انہوں نے کہا کہ پنجاب کومنشیات سے پاک کرنے کیلئے ہرممکن اقدامات اٹھائے جائیں گے، تمام ڈویژنز میں انسدادمنشیات فورس پنجاب کو فعال بنایا جا رہا ہے۔
About the Author
