حکومت پنجاب نے گندم کی کاشت سے قبل 100 ارب روپے کے بلاسود قرضے دینے کی تجویز پر اتفاق کر لیا ہے۔
زیراعلیٰ مریم نوازکی زیر صدارت گندم کے کاشتکاروں کی سپورٹ سے متعلق اجلاس منعقد ہوا، احوالِ شاہکوٹ ڈیسک سے نیشنل میڈیا کے مطابق جس میں پنجاب میں گندم کی بوائی سے قبل زرعی مداخل کی لاگت میں کمی کیلئے اقدامات کا حکم دیا گیا۔
وزیراعلیٰ پنجاب نے گندم کی بوائی سے قبل کھاد کی وافر دستیابی یقینی بنانے کی ہدایت دیتے ہوئے کہا کہ گندم کے چھوٹے کاشتکار کو ریلیف کیلئے ٹارگٹڈ سبسڈی دی جائے۔
بریفنگ میں کہا گیا کہ پنجاب میں بہتر پیدوار کیلئے گندم کی بروقت بوائی ضروری ہے، پنجاب میں 2 ماہ کے دوران کاشتکاروں کو 63 ارب روپے کی سبسڈی دی گئی، کسان کارڈ کے ذریعے کاشتکاروں نے 50 ارب روپے کے بلاسود قرضے حاصل کئے ہیں۔
بریفنگ میں کہا گیا کہ وزیراعلیٰ پنجاب گندم سپورٹ پروگرام کے تحت 13 ارب روپے سبسڈی دی گئی ہے، جس پر مریم نواز نے کہا کہ گندم کے کاشتکار کو اکیلا نہیں چھوڑیں گے، حکومت پورا ساتھ دے گی، پنجاب کے کاشتکاروں کو سب سے زیادہ سہولت اور حکومتی معاونت حاصل ہے۔
About the Author
